Ափից ներս

Լեոնարդ Քոհեն

(Կանադացի գրող, երգահան, երգիչ)

Հազարավոր համբույրների խորքում

     (https://www.youtube.com/watch?v=46cSksKVzzs)

Պոնիներն են վազում,

աղջիկներն են երիտասարդ,

դժվարությունները պատրաստ են հաղթահարման։

Ժամանակ ես շահում,

 հետոն՝ ավարտ,

վերջ հաջողության քո ժապավենին,

և  հիմա հրավիրված ես հաղթահարելու

քո անպարտելի ձախողումները։

Ապրում ես, կարծես, կյանքն իրական է 

հազարավոր համբույրների խորքում։ 

Ես փոխում եմ հնարքներս,

քարանում՝ տեղնուտեղս,

ես կրկին Բուգի սթրիթում եմ․․․

Կորցնում ես հիմքերդ

 և այդժամ

սահում գլուխգործոցի գիրկը։

 Գուցե, դեռ շատ կիլոմետրեր պետք է գնայի,

և կային խոստումներ՝ չպետք է պահվեին,

բայց ձեռք ես քաշում այդ ամենից,

 որ ողջ մնաս

 հազարավոր համբույրների խորքում։

Երբեմն, երբ գիշերն է դանդաղ, դժբախտ ու մեղմ

մենք հավաքում ենք մեր սրտերն ու հեռանում՝

հազարավոր համբույրների խորքում։

Սեռականով բավարարված

մենք համառել ենք ծովի սահմաններում։

Տեսա անօվկիանոսությունը.

իմ պեսները, 

որ սնվում են

անշունչներով։

 Ես հասա առաջմասային տախտակամածին,

օրհնեցի նավատորմի մնացորդները, 

այդժամ

ինքնակամ փշրվեցի

հազարավոր համբույրների խորքում։

Ես գովում եմ եկվորներին,

մանրէազերծվում,

ես կրկին Բուգի սթրիթում եմ։

Խորհում եմ նրանց՝ չընծայվելու մասին, 

իսկ քեզ ցուցված էր լինելը,

անգոչ միտքս քո մասին․

փաթեթում դուք ամբողջական եք 

և թերի՝ 

 մեր հազարավոր համբույրների խորքում

մոռացված անելիքներով։

Երբեմն, երբ գիշերն  է դանդաղ, դժբախտ և մեղմ,

մենք հավաքում ենք մեր սրտերն ու հեռանում

հազարավոր համբույրների խորքում։

Պոնիներն են վազում,

աղջիկներն են երիտասարդ

դժվարությունները պատրաստ են 

հաղթահարման։

Թարգմանությունը՝ Շ․Ասատրյանի

(Այս բանաստեղծությունն ունի հայերեն այլ տարբերակ)